Astearte arratsaldean aurkitu zuten gorpua Aturri ibaian, Lehuntze (Lapurdi) parean. 60 urte inguruko gizonezko bat da hildakoa; oraingoz ez dute identifikatzerik izan. Polizia gertatutakoa ikertzen ari da.
Bestalde, identifikatu dute Soustons lakuan (Landak, Frantzia) itota hil zen gaztearen gorpua; 28 urteko gazte baionar batena dela egiaztatu dute. Joan den uztailaren 29an gertatu zen ezbeharra. Lekuko batek eman zien abisua larrialdi zerbitzuei, baina gaztea hilda zegoen poliziak uretatik atera zuenerako. Gorpuak ez du indarkeria zantzurik; ikerketak zabalik jarraitzen du.
