Gotzone Lopez Luzuriagaren askatasuna eskatu du 'SOS Gotzone' herri ekimenak

Orain dela zortzi hilabete beharko luke aske Gotzone Lopez Luzuriaga aguraindarrak, iragan abuztuan ia 22 urteko kartzela zigorra bete eta gero; baina, Parot Doktrina aplikatuta, bederatzi urtez luzatu zioten zigorra. Berriki, Valladolidetik (Espainia) Donostiako Martutene kartzelara mugitu dute. 2007an bularreko minbizia diagnostikatu ziotenetik, arazo ugari izan ditu tratamendua hartzeko. Horregatik, haren askatasuna aldarrikatu du SOS Gotzone ekimenak, eta sinadurak jasotzeari ekin dio. 600 pertsona inguruk eta hainbat taldek egin dute bat aldarrikapenarekin.