Greba eta mobilizazio eguna
Grande-Marlaskak datorren astelehenean deklaratzera deitu du Otegi
Espainiako Auzitegi Nazionaleko epaile Fernardo Grande-Marlaskak gaurko greba eta mobilizazio egunean izandako "indarkeria ekintzengatik" deklaratzera deitu du Arnaldo Otegi Batasuneko kidea. Datorren astelehenean joan beharko du deklaratzera. Otegik ezezik Juan Mari Olano Amnistiaren Aldeko Batzordeetako kideak eta Rafa Diez LABeko idazkari nagusiak ere deklaratu beharko dute datorren astean gaurko ekintzen inguruan; asteazkenean eta ostegunean hurrenez hurren.
Iturri judiazialen arabera, astelehenean egingo den bistillan erabakiko du Grande-Marlaskak Otegiren egoera aldatzen duen ala ez. Izan ere, une honetan Otegi fidantzapean dago aske; Batasunaren ekintzak bi urtez eteteko sumarioaren barruan "talde terroristako kide" izatea leportzen diote.
Iruzkinak
Ez dago iruzkinik
Ordenatu
