Ostiralaz geroztik, hainbat ekitaldi zeuden antolatuta Altsasuko Ospa Egunerako; besteak beste, herri bazkaria eta karrozen desfilea. Antolatzaileek salatu dutenez, ordea, Guardia Zibilak eten egin ditu ospakizunak, eta hiru karroza eraman ditu, "iraingarriak" zirela esanez. Jaira bildutako herritarrek oihuka egin diete.
#OspaEguna15 Hauek dira 3 atxilotuak: pic.twitter.com/X8Zjpz3SwY
— Ahotsa.info (@AhotsaInfo) August 29, 2015Antolatzaileek salatu dutenez, eguerdian agertu ziren guardia zibilak, eta herri bazkaria eteten ahalegindu ziren, baina parte hartzaileek aurre egin zieten. Ondoren, karrozak aurkitu eta "indarrez" eraman zituzten.
Ez da lehen aldia Guardia Zibilak Ospa Eguna bertan behera uzteko ahalegina egiten duela. Duela bi urte, 2013an, ekitaldi ia guztiak debekatu zituen Espainiako Gobernuko ordezkaritzak. Soilik bertso bazkariak jaso zuen baimena, baina hura ere ehunka guardia zibilen presentziarekin egin behar izan zuten. Horretaz gain, kontrolak jarri zituzten herriko sarrera-irteeretan.
Ekitaldiak bertan behera utzarazteaz gain, baina, inputatu gisa ere deklaratu behar izan zuen Altsasuko alkate Garazi Urrestarazuk. Udalak "sabuespen egoera" salatu zuen.
Sakana da Europako Batasunean polizia dentsitate handiena duen eremua; hala salatu izan du behin baino gehiagotan Ospa mugimenduak.
