Guardia Zibilaren zuzendaritzak gelditu egin ditu bederatzi inputatuei abian jarritako auzibideak

Espainiako Guardia Zibilak Roquetasko kasuan inputatutako bederatzi agenteei irekitako auzibideak geldiarazi egin ditu epaileak bere erabakia hartu bitartean.

Gaur, Almeriako (Espainia) Guardia Zibilaren komandantetzara joan dira bederatzi inputatuak, eta epailearen aurrean deklaratutakoaren berdina esan dute bertan ere, Antonio Suarez-Valdes Guardia Zibilaren Elkarte Idependienteko abokatuak adieraziduenez.

Bestalde, Espainiako Barne Ministerioak espedientea ireki zion kasuan inputatutako tenienteari, eta hiru hilabeteko suspentsioa abiarazi zuen. Baina, ekintzen larritasuna dela-eta sei hilabeteetaraino luzatzea erabaki du Defentsa Ministerioak. Beste zazpi inputatuekin eta ikaslea zen guardia batekin ere gauza bera gertatu da.