GURASOAK, D EREDUAREN ALDE

Nafarroako Sortzen-Ikasbatuaz taldeak agerraldia egin zuen atzo, Iruñeko Gazteluko plazan,D ereduaren alde egiteko. Aurrematrikulazio kanpaina astelehenean hasiko da, eta taldeak Nafarroako eremu ez euskaldunetako gurasoen laguntza izan zuen umeak D ereduan matrikulatzera bultzatzeko. Haurrak D ereduan matrikulatu dituzten guraso etorkinek eredu horrekiko iritzia eman zuten, eta ikasleek eta irakasleek abantailak azaldu zituzten.