Eskuak lotuta, begiak estalita eta lepotik zintzilik edo tiro bat jota aurkitu dituzte autobuseko 18 gorpuak. Maitham Abdul-Razzaq Armada estatubatuarreko tenienteak jakinarazi duenez, guztiak gizonezkoak ziren eta bi gutxienez beste herrialde batelo arabiarrak ziren.
Ibilgailua Amariya eta Jadra auzo xiiten artean zegoen. Bi auzo horietan sunitak dira nagusi eta Bagdadeko gune arriskutsuenetako batean daude.
Hilotzak Yarmouk Ospitalera eraman dituzte eta bertan mohanad Jawas sendagileak baieztatu du bi gizon tiroz hil dituztela eta gainontzekoak jipoitu egin dituztela.
Landugabeko lur eremu batean beste lau gizonen hilotzak aurkitu ditu ondoren Poliziak. Bagdad ekialdean aurkitu dituzte, Baladiyat auzoan hain zuzen. Eskuak lotuta zituztela azaldu du Mahir Hamad Moussa kapitainak.
Kamaliya auzoan beste gorpu bat aurkitu dute, buruan bala bat zuela. Kamaliya auzoan eraso ugari izan dira azken aldian.
Iraken okupazioa
Gutxienez 18 hilotz aurkitu dituzte Bagdaden autobus batean
Armada estatubatuarreko patruila batek Bagdad mendebaldean utzita zegoen autobus batean 18 gorpu aurkitu ditu. Guztiak gizonak ziren eta gehienak lepotik zintzilik zeuden. Poliziak bost gorpu gehiago aurkitu ditu gutxienez hiriburuko hainbat gunetan.
Iruzkinak
Ez dago iruzkinik
Ordenatu
