[Youtube]http://www.youtube.com/watch?v=Wiw965HOylQ[/Youtube]
Amerikako Estatu Batuetan, Bostongo maratoiaren helmugan bi leherketa gertatu dira, eta zenbait pertsona zauriturik daude. Bostongo Polizia Departamentuak eman du datua: gutxienez bi pertsona hil eta 23 lagun zauritu dituzte.
Poliziaren arabera, etxean eginiko bonbak izan dira leherketak eragin dituztenak. Informazioa emateko eskatu du Poliziak, eta zehaztu du ez duela ikerketa lerrorik baztertzen oraingoz.
Zenbait komunikabideren arabera, hirugarren leherketa bat ere izan da, JFK liburutegian, aurreko leherketak gertatu eta ordubetera; liburutegian ez da inor zauritu, eta ez dute oraindik argitu beste leherketekin zerikusirik duen.
Helmuga inguruan jende asko odoletan zela adierazi dute lekukoek. 24.000 lasterkari baino gehiago ziren korrikari maratoian.
Lasterketa abiatu eta irabazleak helmuga gurutzatu zuela hiru ordu joanak ziren leherketak gertatu direnean; 14:50 ziren Bostonen.
Helmuga ondoan gertatu da leherketa, hotel baten aldamenean. Bigarren leherketa handik hamabost segundo eskasera gertatu da.
