'Guztion indarrez, Euskal Herri euskalduna eraiki!' lelopean manifestazioa egin dute Ziburun

Euskal Herrian Euskaraz (EHE) taldeak manifestazioa deitu du gaurko (17:30) Ziburun (Lapurdi), Guztion indarrez, Euskal Herri euskalduna eraiki! leloa lau haizeetara zabaldu nahian eta indarrak batzeko asmoz. Hainbat lagun bildu dira.

"Euskararen arloan ezin da onartu beste iruzur edo sasialdaketarik", diote Eulate Zilonizaurrekoetxea eta Yves Matxikote EHEko kideak. Egungo hizkuntz politikek ematen duten fruituarekin kritiko dira. Protestarako motiboak egunero aurkitzen dituzte. "Ezin gara euskaraz bizi, milaka traba, muga eta ukazio ditugulako euskaldun izateko".