HABEren proben zati bat euskaltegian egingo dute

DONOSTIA. HABE Helduen Alfabetatze eta Berreuskalduntzeko Erakundearen azterketaren zati bat euskaltegietan bertan egin ahal izango dute ikasleek; hain justu, entzumena eta irakurmena neurtzeko probak han egiteko aukera izango dute, Eusko Jaurlaritzak jakinarazi duenez. HABEren aurtengo lehen azterketa deialdirako 10.300 ikaslek eman dute izena.