02:20 aldera piztu da sutea Zalduondoko Udaletxea zegoen eraikineko hirugarren pisuan, etxebizitza batean. Handik teilatura zabaldu da, besteak beste, hego haize zakarrak lagunduta. Barruan zeuden bizilagun guztiak atera dituzte, eta ez da inor zauritu. Eraikina, ordea, guztiz kiskali da. Bost orduz jardun dute suhiltzaileek itzalketa lanetan, eta Arabakoek ez ezik, Nafarroakoak ere parte hartu dute.
Azpeitiko Olatz auzoko Txanpardin baserrian, berriz, 01:50 aldera piztu da sua, agi denez, sukaldeko txinparta batek eraginda. Egurrezko egitura zuen baserriak, eta segituan hartu dute garrek eraikin guztia erabat kiskaliz. Hala ere, ez da inor zauritu.
Nahita piztutako sutea Narbarten
Nafarroan, Narbarten, beste sute bat izan da bart, basoa berritzeko pinudi batean. Hego haize handia zebilenez, sutea Bertizko Parkera zabaltzeko arriskua egon da, baina, azkenean, eragoztea lortu dute suhiltzaileek. 08:40 aldera lortu dute sutea guztiz menderatzea. Nafarroako Gobernuak egindako lehen ikerketen arabera, Narbarteko sute hori nahita piztu du norbaitek.
Hainbat sute izan dira
Hego haize zakarrak lagundta, hainbat sute izan dira bart goizaldean. Zalduondon (Araba) Udaletxea zegoen eraikina guztiz kiskaldi da. Azpeitian (Gipuzkoa) argazkian ageri den Txanpardin baserria erre da. Narbarten (Nafarroa), berriz, pinudi bat. Hala ere, ez da inor zauritu.
Iruzkinak
Ez dago iruzkinik
Ordenatu
