BERRIA.INFOk gaur egun osoan zehar jarraipen berezia egingo dio euskal presoen eskubideen aldeko Bilboko manifestazioari. Unean uneko albisteak eta erreakzioak jasotzeaz gain, telebistan, argazkietan eta sare sozialetan ahalegin berezia egingo du.
Telebista: BERRIA Telebista goizetik ari da Alde Zaharrean dagoen giroaren erreportajea egiten, eta dagoeneko bideo bat ikusgai jarria du webgunean. 17:30ean BERRIA.INFOk Hamaika Telebistarekin egingo du bat eta, 21:00ak bitartean manifestazioaren zuzeneko irudiak jasotzeaz gain, hainbat elkarrizketa ere emango ditu webgunean. Gauean BERRIA Telebistak manifestazioaren bideoa jarriko du ikusgai.
Argazkiak: BERRIA.INFO eguneko argazki bilduma osatzen ari da. Argazki propioez gain, manifestaziora joandakoenak ere jasoko ditu, eta bidali nahi dituenak [email protected] helbidera igorri behar ditu.
Sare sozialak: Sare sozialetan ere ahalegin berezia egingo du BERRIAren atariak manifestazioaren berri emateko.
- Berriketan.info: BERRIA egunkariarentzat lanean ari diren kazetariek Bilbon bizi dena kontatuko dute Berriketan.info sare sozialean.
- Twitter: hor ere kazetako kazetariek Berriketan.info-n ematen dutenaren berri zabalduko du BERRIAk bere kontuaren bitartez —Berriketan-etako eta Twitterreko kontuak lotu daitezke, Berriketan.info-ko goiko menuan 'Nire kontua' sakatu eta hor 'Ezarpenak' lehenik eta ondoren 'Twitter' aukeratuta—. Modu horretan Twitterren nahikoa izango da #berriketan hashtaga jartzea Berriketan-en norberaren kontura tuit hori bidaltzeko. Aldiz, Berriketan.info-n nahikoa izango da ‘to twitter’ sakatzea (iruzkina idazteko leihoaren azpia agertuko da kontuak lotu ostean), iruzkina Twitterrera bidaltzeko; horretarako 140 karaktereen kontagailua agertuko da.
