Bilboko Labairu kaleko etxebizitza batean piztu da sua goizaldean. Hamalau lagun artatu dituzte kea arnasteagatik, eta horietako hamar erietxera eraman dituzte. Onik dira guztiak.
03:20 aldera piztu da sutea, Labairu kaleko 37. zenbakiko bigarren solairuan, eta 06:00etarako itzali dute, SOS Deiek jakinarazi dutenez. Ikertzen ari dira zer dela-eta piztu den sutea. Eraikina hutsarazi dute, badaezpada. Kaltetuetako batzuk etxera itzuli ahal izan dira, baina beste batzuei hoteletan eman diete ostatu.
Ondoko eraikin batean ere kalteak eragin ditu suteak.
