Espainiako Poliziak urriaren 30ean Donostian atxilotutako zazpi lagunetatik bost inkomunikatuta daude ordutik, konfidantzazko inorekin harremanetan egoteko aukerarik gabe. Izan ere, bost eguneko atxiloketa aldiaren ondoren, Unai Perez, Egoi Alberdi, Pello Lamarka, Mikel Arretxe eta Ekaitz Ibero espetxeratzeko agindu zuen Auzitegi Nazionaleko epaile Grande-Marlaskak, baina inkomunikatua kartzelaratzekoa.Gaur amaitzen da gazte horiek legez inkomunikatuta edukitzeko epea, eta, horrenbestez, bertan behera utzi behar dute neurri hori.
Inkomunikazio aldia luzatu izanak torturen susmoa areagotu du senideen eta hainbat erakunde eta alderdiren artean.
Gainera, urriaren 30ean gazte horien atxiloketarekin hasitako sarekadak segida izan zuen atzo: beste lau gazte atxilotu zituen Espainiako Poliziak Donostian, eta haiei ere Segirekin eta kale erasoekin harremana izatea leporatzen diete. Beste hamaika gazteren bilera ere joan zen Polizia atxilotzeko asmoz, baina ez zituen etxean topatu. Herriko taberna eta lokal batzuk ere arakatu dituzte.
Atxiloketak
Hamar egunen ondoren, gaur aterako dituzte inkomunikaziotik urriaren 30ean atxilotutakoak
Unai Perez, Egoi Alberdi, Pello Lamarka, Mikel Arretxe eta Ekaitz Iberok bost egun daramate kartzelan, baina ez dute konfidantzazko inorekin egoteko aukerarik izan. Atxiloketa epearen ondoren inkomkunikazioa luzatu izanak, tortura susmoak areagotu ditu. Atzo beste lau gazte atxilotu zituzten, urriaren 30ean hasitako sarekadari segida emanez.
Iruzkinak
Ez dago iruzkinik
Ordenatu
