Jordanian bilduko dira buruzagi militarrak, baina ez dute jakinarazi zehazki non. AEBetako eta Jordaniako armadetako buruzagi Martin Dempseyk eta Mishal al-Zabenek zuzenduko dute bilkura. Horiez gain, Turkiak, Erresuma Batuak, Alemaniak, Frantziak, Italiak, Kanadak, Saudi Arabiak eta Qatarrek parte hartuko dute.
Isiltasuna da nagusi bileraren inguruan, baina espero da bihar ohar bat argitaratzea bilkuraren emaitzekin. Siriak atzo ohartarazi zuen atzerriko esku hartzeak "ondorio larriak" izan ditzakeela Ekialde Hurbil osoan.
