Jocker operazioa abiatu du Poliziak, eta xehetasunen berri eman du Carmen Alba Espainiako Gobernuko ordezkariak. Sei etxebizitza —bana Arbizun eta Mendigorrian, bina Barañainen eta Garesen— eta biltegi bat —Garesen— miatu dituzte.
Etxeetako batean 72 kilo haxix, kilo eta erdi kalamu, 120 gramo kokaina, kilo bat speed, 80 gramo MDMA eta 50 gramo ketamina atzeman dituzte, besteak beste. Guztira, 300.000 euro eskuratzeko adinako droga zuten.
Atxilotuak 30 eta 40 urte bitartekoak dira; zortzi gizon eta bi emakume. Horietatik hiru espetxeratu dituzte, eta zazpi karguekin aske utzi.
