Espainiako Poliziak hamar pertsona atxilotu zituen astelehenean Donostian, droga trafikatzea leporatuta. Operazioan 350 gramo kokaina eta 3.823 euro atzeman dituzte poliziek. Ikerketa urrian hasi zuten bi trafikatzaileren berri izan ostean. Espainiak Gipuzkoan duen ordezkaritzak gaur eman du atxiloketen berri.
Gaineratu duenez, drogari eztularen aurkako botika bat botatzen zioten, txakurrek usaindu ez zezaten. Atxilotuak epailearen esku geratu dira.
