Atzo iluntzean erori zen sabai faltsua Nafarroako Ospitalean, 22:30ean, bigarren solairuko korridore batean. Traumatologia, hematologia eta kirurgia maxilofazialeko gaixoak egoten dira sabaia eroritako gunean.
Gunea garbitu zuten, eta lekuz aldatu zituzten hamasei gaixo. Laugarren solairura eraman dituzte. Nafarroako Gobernuak adierazi du ez dela inor zauritu eta tratamenduak normal ematen jarraitu dutela.
Gaur hasi dira ikertzen zer dela-eta erori den sabai faltsua, eta beste solairuetakoak ere ikuskatuko dituzte.
