Hanburgesategi bat itxi dute Bilbon, kokaina saltzen duelakoan

Bilboko Udaltzaingoak hiriko hanburgesategi bat itxi du, kokaina saltzen duela egotzita. Hiriaren erdialdean dago hanburgesategi hori.

Lehengo ostegunean egin zuten operazioa, eta berrehun gramo kokaina atzeman eta lau lagun atxilotu zituzten. Udaltzainek diotenez, lau horietako hiru bertako langileak ziren -zerbitzariak bi eta sukaldaria bat-. Bestea, berriz, sukaldariaren bikotekidea da, eta bera arduratzen zen, ikerketa iturrien arabera, kokaina eramateaz Espainiatik (Kantabrian Guriezo herrian duen etxetik). 26 eta 45 urteko lagunak dira laurak.

Hanburgesategi ondoko bulegoetako jendea zen, batik bat, hara droga erostera joaten zena.