Txoria txori kantatuz egin zieten ongietorria. Oñatiko (Gipuzkoa) 200 herritar inguru bildu ziren atzo gauean, herriko zentrora iritsitako lehen migratzaile taldeari harrera beroa egiteko. Saharaz hegoaldeko 37 gizon izango dira irail erdialdetik martxan dagoen egoitza hori erabiltzen lehenak; Bilboko herritar sarearen arretapean egon dira orain arte.
Eusko Jaurlaritzak ireki du zentroa, eta CEAR Iheslariak Laguntzeko Espainiako Batzordearen esku utzi du kudeaketa. Izan ere, erakunde horren eskaera bati erantzunez abiatu dute egoitza: asiloa eskatu dutenei emango die aterpea, tramiteek iraun bitartean; halere, trantsituan daudenak ere jaso ahalko ditu, beharrik badago. Ehun lagunentzako tokia du.
Ongi etorri!! pic.twitter.com/VO8mOVGOM9
— Hotz Oñati (@hotz_onati) 2018(e)ko urriaren 14(a)
