Sanferminetako taldeko bortxaketarengatik zigortuak zan direnak aske uzteko erabakiak berehalako erantzuna izan du sare sozialetan ere. Ordezkari politiko ugarik salatu dute.
Maria Solana Nafarroako Gobernuko bozeramaileak gogor salatu du erabakia, eta autoaren kontrako helegitea jarriko dutela jakinarazi du.
Laura Berro Iruñeko berdintasun eta LGTBI zinegotziak mezu argia idatzi du: "Justizia hau patriarkala da. Erasotzaileak defendatzen ditu erasotuak defendatu beharrean. Sumintzekoa da, indarkeria da".
Amaia Izko Altsasuko auziko zigortuen abokatuak ere idatzi du mezu bat twitterren: "Badakit espetxea ez dela irtenbidea, baina emakumezko baten bortxaketak taberna batean guardia zibilarekin izandako liskar batek baino larritasun gutxiago duela uste duen justizia, ez da justizia, eta ez du antzik ere. Eta hori onartzen duen estatua, ez da zuzenbide estatua. Izularrituta".
Josu Erkoreka Jaurlaritzako bozeramaileak ohartarazi du erabakia "gizartearen sentimentuen antipodetan" dagoela, eta "emakumeen kontrako indarkeriaren kontrako sentsibilizazio kolektiboan aurrera asko egin duen gizarteak" ez duela ulertuko". Zigor kodea aldatzeko eskatu dio Espainiako Gobernuari.
Maddalen Iriartek ere Altsasuko zigortuekin egin du lotura:
Bortxatzaileak kalean (Sanfermin bezperatan, gainera) eta Altsasukoak kartzelan eta etxetik urrun.
— Maddalen Iriarte (@MaddalenIriarte) 2018(e)ko ekainaren 21(a)
Espainiako justizia ez da justizia. Inondik ere ez.
Gure jendarteak ez du "justizia" bidegabe hau merezi. Halako estatu bananero batean emakumeok ez dugu inoiz askatasunik eta berdintasunik izango.
— Bakartxo Ruiz (@BakartxoR) 2018(e)ko ekainaren 21(a)
Imanol Lasa Gipuzkoako Diputazioko bozeramailea ere haserretu du erabakiak.
Gizartearengandik urrun, oso urrun dago justizia gai honetan. Denoi dagokigu indarkeria matxistari aurre egitea. Baita, nola ez, legeak aplikatu eta interpretatzen dituztenei ere. Bada zer aldatu. Gure elkartasuna biktimari, eta emakume guztiei #DenokZuhttps://t.co/f8jEif9B1G
— Imanol Lasa Zeberio (@imanollasa) 2018(e)ko ekainaren 21(a)
PSNk "berri txarra" dela esan du, eta indarkeria matxistan espezializatutako epaile eta fiskalak behar direla ohartarazi dute.
UPNk "ezustekoa" hartu duela eta ez duela ulertzen onartu du. Eta honakoa gehitu du txio batean: "Hala ere, beti bezala, errespetua Justiziari".
Carles Puigdemontek ere gogor salatu du epaia. "Atzera pauso juridikoa" dela esan du "emakumeei aurrez aurreko erasoa". Gainera, "negargarria" iritzi dio XXI.mendean halakoak egoteari.
Una nova i preocupant regressió jurídica, humana i de drets, i un nou atac frontal a les dones. El missatge que s'envia és pèssim en una societat europea del segle XXI #LaManadahttps://t.co/uBWDXjzzXN
— Carles Puigdemont ðŸÂÂÂÂÂÂÂÂÂÂÂÂÂÂÂŽ— (@KRLS) 2018(e)ko ekainaren 21(a)
Eta sutan jarri dira beste hainbat ere:
Laister kalean izango zarete bai, baina kaleak jada ez dira zuenak! Bortxaz beteriko justizia patriarkal honen kontra, gora borroka feminista! https://t.co/vHidQdHEgm
— Kattalin Miner (@MKattalin) 2018(e)ko ekainaren 21(a)
Arazoa ez dira 5 horiek... arazoa sasi-justiziaren mezua da. Gau batez, kale bazter batean gizon batek emakume bati heldu eta belarrira esango dio "nahi dudana egingo dizut, eta ez zait ezer gertatuko". Hori da justiziaren mezua. Kaleak esan dezala ozen kontrakoa.
— Aiora (@probatxoa) 2018(e)ko ekainaren 21(a)
Salatzeko esaten digute. Justizian konfiantza izateko. Dena gezurra!
— leire narbaiza arizmendi (@txargain) 2018(e)ko ekainaren 21(a)
Salatu, baina sinistu ez. Epaitu, eta kalean laga bortxatzaileak.
Emakumeok ez dugu inongo baliorik estamentu horien aurrean!
Amorru infinitua!!!!
