Eusko Legebiltzarrean haur lapurtuen auzia ikertzeko batzordea osatu dute gaur, legebiltzarreko alderdi guztien babesarekin. Mertxe Agundez (PSE-EE) izango da batzordeko burua, Roberto Blanco (PP) presidenteordea eta Maribel Vaquero (EAJ) idazkaria.
1940. eta 1990. urteen artean lapurtutako haurren kasuak eta legez kanpoko adopzioak aztertuko ditu batzordeak.
Batzordearen osaketa zehazteko bileraren ondoren, Agundezek azaldu du batzordearen helburua lapurtutako haurren kasuei irtenbidea ematea dela, baina ohartarazi du ez dela "itxaropen faltsurik" egin behar.
Batzordeko kideak datozen egunetan bilduko dira, lanerako egutegia zehazteko.
Legebiltzarrak otsailaren 16an onartu zuen batzordea sortzea, aho batez.
