Haur pornografiarekin lotuta gazte bat atxilotu dute Bilbon

Espainiako Poliziak 29 urteko gizonezko bat atxilotu du Bilbon, haur pornografiarekin zerikusia duelakoan. Operazio berean Espainian (Madrilen eta Malagan) eta Herrialde Katalanetan (Bartzelonan eta Palma Mallorcan) beste lau pertsona atzeman ditu.

Poliziak esan du urtebete zeramala kasua ikertzen, eta atxilotuei atzemandako argazki eta bideoetan adintxikikoak "sexu gehiegikeriak pairatzen" azaltzen direla.