TVEko albistegi batzordeak ohar bat argitaratu du Espainiako telebista kate publikoak Eusko Legebiltzarrerako hauteskundeen emaitzen gainean egin zuen jarraipenaz. Hain zuzen, batzordeak kritikatu du Laura Mintegi EH Bilduko lehendakarigaiaren agerraldia hasi eta berehala etetea seinalea eta lehentasuna ematea PPko hautagai Antonio Basagoitiri.
Batzordeak oroitarazi du bigarren indarra izan dela EH Bildu, PP laugarren alderdia izan dela eta, "objektiboki", interes informatibo gehien pizten zuena Mintegiren agerraldia zela. Basagoiti lehenetsita, TVEk "agerraldien denborak eta ordenak izan behar duten proportzionaltasun eta objektibitate printzipioak baztertu zituen", albistegi batzordearen esanetan.
