PAE Palestina Askatzeko Erakundearen Batzorde Nagusiak Mahmud Abbas PANeko presidenteak hartu dituen azken erabakiak hartu ditu; finean, Hamasen aurka hartu ditu erabaki horiek Abbasek, Al Fata eta bien artean lehertu den borrokaren harira. Besteak beste, batasuneko gobernua bertan behera utzi eta Hamasik gabeko "larrialdiko gobernua" eratu du Zisjordanian, eta PANeko Legebiltzarra desegin du. Halaber, AEBei eta Israeli hurbiltze keinuak egin dizkie.
Horiek guztiak babestu ditu, beraz, PAEren Batzorde Nagusiak, baina, era berean, hauteskundeak aurreratu eta ahalik eta lasterren egiteko eskatu dio. PAEren iduriko, hori da Abbasek herritarrek emandako zilegiltasuna eskuratzeko modu bakarra.
Palestina
Hauteskundeak aurreratzeko eskatu dio PAEk Abbasi
Zilegitasuna lortzeko bide bakarra dela iritzi dio. Dena den, PANeko presidentearen larrialdiko gobernuari babesa eman dio.
Iruzkinak
Ez dago iruzkinik
Ordenatu
