Javier Madrazoren ildokoek izango dute Ezker Batuaren marka azaroaren 20ko Espainiako bozetan, Hauteskunde Batzordeak hala erabakita. Jose Navas aipatutako ildoko bozeramaileak esan du "zilegitasun juridikoa" daukatela horrela. Batzordearen ebazpena eta Bilboko Epaitegiaren auto bat erakutsi ditu Navasek, egiaztagarri modura.
Mikel Arana eusko legebiltzarkidearena da koalizioko beste ildoa. Epaitegiko autoak dio bi parteen arteko auzia dela-eta izandako ahozko saiora ez zela agertu Arana, eta honek orain arte egindakoa baliogabetu egin du.
Madrazoen ildokoen arabera, Arana orain EBk Eusko Legebiltzarrean duen bozeramailea baino ez da.
Aranaren ildoak IU Los Verdes-Ezker Anitza bezala aurkeztu nahi du.
