Ez daude ados hauteskunde sistemarekin, ezta hautesle erroldetan derrigorrean egotearekin edo lau urtetik behin botoa ematearekin. Horregatik, hauteskunde mahaira ez joatea erabaki dute, erabakia jendarteratuz. "Desobedientzia era hau betebehar baten aurkako baliabide egokia izatea nahi dugu, eta ekintza honen bidez, gaur egungo gobernu sistema bat eta politika ulertzeko modu bat kolokan jartzea, egungo politikan herritarron beharrek eta ametsek garrantzirik ez baitute, eta noizean behin boto emaileak baino ez baikara".
Hautesleen erroldan egotea aukerazkoa izatea nahi dute Zulaikak eta Escalantek. "Norberak, izena nahita emanda, bozka emateko eskubidea izango luke, hala nahi izanez gero".
