"Ezagutzan eta berrikuntzan oinarritutako ekonomia bultzatuko dugu, lehiakorra izango dena eta lanpostuak sortuko dituena", nabarmendu du Iñigo Urkullu Eusko Jaurlaritzako lehendakariak Alain Rousset Eskualde Kontseiluko presidentearekin batera egindako agerraldian. Urkulluren esanetan, bide horretan lehen pausoa litzateke abiadura handiko trenbide sarea lehenbailehen amaitzea.
Bi buruzagiek azaldu dutenez plan estrategikoaren helburua litzateke euroeskualdeari tresnak eskaintzea EBren elkarlanerako funtsaren laguntza lortuko luketen proiektuak aurkezteko.
Lehendakariak azaldu duenez, ekonomia "buruargia, iraunkorra eta barneratzailea" bultzatzea da elkarlanaren xedea, bi eskualdeen artean "mugikortasun iraunkorra" bermatuko duena.
