8 urteko E.A., Heletakoa (Nafarroa Beherea), hil da bart Zarautzen (Gipuzkoa) ikastolako kideekin txangoan zela. Hazparneko (Lapurdi) ikastolako ikaslea zen mutikoa, eta Seaska Iparraldeko Ikastolen Elkarteak eman du istripuaren berri ohar baten bidez. Goizeko hirurak aldera izan da ezbeharra.
Hala ere, istripuaren inguruko zehaztasunik ez du agertu Seaskak oharrean. Ertzaintzak, ordea, mutikoa laugarren pisutik erori dela azaldu du. Erortzean larri zauritu da, eta erietxean hil da.
"Doluminik sentikorrena eta sustengu guztia" adierazi dio Seaskak mutikoaren familiari. Txangoan ziren haurrak dagoeneko itzuli dira Hazparnera.
Hazparneko ikastolako haur bat hil da Zarautzen istripuz, ikas bidaian
Bart goizaldean izan da ezbeharra; Ertzaintzak agertu duenez, laugarren pisutik erori da. "Doluminik sentikorrena eta sustengua" adierazi dio Seaskak familiari.
Iruzkinak
Ez dago iruzkinik
Ordenatu
