Hego Amerikako babesa jaso du Egin Dezagun Urratsak

Hego Amerikako 176 norbanakok eta kolektibok bat egin dute Egin Dezagun Urratsa ekimenak presoen eta iheslarien eskubideen defentsan urtarrilaren 8rako Bilbon antolatutako manifestazioarekin. Antolatzaileek Hego Amerikako hainbat sektoreren babesa eskertu dute: «Haien babesak haize freskoa dakar, eta berebiziko indarra da euskal presoek pairatzen duten espetxe politika ankerraren bukaera exijitzen dugunontzat». Eragileei atxikitzeko deia egin diete ekimeneko kideek.