Hendaiako ikastolako haur eta gurasoak ikastolatik herriko etxera joan dira gaur arratsaldean, ikastola berririk gabe utzi nahi dituztela salatzeko. Arratsaldean egin dute manifetazioa, eta herriko etxearen parean ikasmahaiak jarri dituzte, egoera salatzeko.
Hendaiako ikastola berria hartu behar zuen egoitzaren eraikuntza deliberoa bertan behera utzi du Patrick Dallennes Baionako suprefetak. Hendaiako ikastola berriaren alde egiteko, Seaskak ere manifestaziora deitu du biharko Baionan.
Bihar, Suprefeturara
Manifestazioa arratsaldeko hiruretan hasiko da, Alderdi Sozialistak Gaskoien plazan duen egoitzan, eta Baionako Suprefeturan amaituko da. Paxkal Indo Seaskako zuzendariak ziurtatu du Ipar Euskal Herriko ikastolek euren “funtzio publikoa diru publikoarekin egiten” jarraituko dutela.
Patrick Dallennes Baionako suprefetaren erabakia Hendaiako Herriko Etxeak onartutako ikastolaren aurkakoa da. Falloux legea zehatz mehatz bete nahi du, non diru laguntza publikoak hezkuntza eredu pribatuei ez ematea arautzen den. Erabakiak Seaskako ikastolen geroa harriskuan jarri duela salatu dute.
