Euskararen alde lasterka arituko dira igandean Ozaze (Zuberoa) eta Ortzaize (Nafarroa Behera) artean eginen duten Herrika egitasmoan. Bi probintzietako gazte euskaltzale batzuek antolatu dute, Korrika bertan behera gelditu izanak utzitako hutsuneari erantzuteko. «Ikastoletako ikasleak gara gehienak, eta txikitatik ohitura hori badugu Korrikan parte hartzekoa. Sinbolikoki biziki polita da herriz herri euskararen alde lasterka aritzea», esplikatu du antolatzaileetako batek.
Ez dute baimen ofizialik eskatu, eta horregatik osasun neurriak arintzea itxaron dute Herrika egin ahal izateko. AEK-k antolatzen duen Korrikaren elementu guziak izanen ditu: lekukoa, mezua... Kilometroak saltzea «konplikatuegia» zen, baina tixertak salduko dituzte, Korrikan bizkarrekoak bezala. Irabazi guziak AEKrentzat izanen dira. Herrika-ren bukaeran ekitaldi kultural bat eginen dute Ortzaizen.
Herrika eginen dute Ozazetik Ortzaizera, Korrika ordezkatzeko
Iruzkinak
Ez dago iruzkinik
Ordenatu
