ELA, LAB, EILAS eta ESK sindikatuek deituta, manifestazio bat egin dute gaur eguerdian Iruñean. Datorren osteguneko greba orokorrean modu "masiboan" kalera ateratzeko deia egin dute sindikatuek, "larriagotzen ari den krisi egoerari" aurre egiteko.
Juanan Iriarte ESK-ko ordezkariaren arabera, herritarrak "sumina pilatzen" ari dira eta "lanuzte handi batekin" erantzun behar diote egoerari. Halaber, adierazi du greba orokorrera deitzen dutela Espainiako eta Nafarroako gobernuak eta Eusko Jaurlaritza hartzen ari diren neurriei kontra egiteko: "Krisiaren ondorioetan sakontzen ari dira".
Gaur arratsaldean Gasteizen, Donostian eta Bilbon egingo dituzte manifestazioak.
