Goizeko bederatzietan, eztanda gogor batek etxe bat eraitsi du Arazuriko Santa Maria kalean (Nafarroa), eta, Nafarroako Gobernuak azaldutakoaren arabera, pertsona bat azpian harrapatu. Hasiera batean, larrialdi zerbitzuek bizirik aurkitu dute, baina erreskate lanak bukatu aurretik hil dela baieztatu du Foruzaingoak. 80 urteko gizonezko bat zen. Erreskate taldeen arabera, leku zail batean geratu da harrapatuta.
Uneotan, tokian bertan lanean ari dira Nafarroako Foruzaingoa eta suhiltzaileak. Ikerketa Guardia Zibilak hartu du bere gain.
