Hil egin da Beasainen eguerdian laugarren solairutik erori den 20 hilabeteko haurra

Gaur eguerdian Beasainen etxebizitza eraikin bateko laugarren solairutik erori den hogei hilabeteko haurra hil egin da, Donostia erietxean.

Navarro Larreategi kalean izan da ezbeharra, 2. zenbakiko eraikinean, 11:50etan. Bere etxeko leiho batetik kalera jausi da umea. Kolpea hartu du buruan eta besoa puskatu du. 13:15ean eraman dute Donostiako ospitalera, anbulantzian. Zainketa Berezien Unitatean ingresatu dute, oso larri, eta arratsaldeko laurak aldera zendu da, Osakidetzak jakinarazi duenez.