Atzo gertatu zen ezbeharra, Faltzesko festetako bigarren entzierroa amaitu berritan. Amildegi batetik entzierroari begira ari zela, hamabi metrotik erori zen 53 urteko emakume iruindarra. Buruan eta bularraldean kolpe handiak hartu zituen, eta Nafarroako Ospitale Gunera eraman zuten. Zaintza intentsiboan izan dute, baina gaur hil da.
Aldapa behera dagoen bide batean egiten da Faltzesko entzierroa. Alde batean mendiaren horma eta beste aldean amildegi bat du ibilbideak, eta han egoten dira ikusleak.
