Eusko Jaurlaritzako Segurtasun Sailak jakinarazi duenez, gaur goizean Zornotzan (Bizkaia) izan den auto istripuan zaurituetako bat hil egin da. 55 urteko gizon bat zen.
Istripua 06:30 inguruan gertatu da, N-634 errepidean, Bilborako bidean. Ezbeharraren ondorioz, lau gizon zauritu dira. Zaurituetako hiru euren ibilgailuetan harrapatuta geratu dira, eta suhiltzaileen laguntza behar izan dute handik ateratzeko. Zaurituetako bi larri daude, eta beste batek lesio arinak ditu.
N-634 errepidean erabat eten da zirkulazioa, eta horrek kilometro batzuetako auto ilarak eragin ditu. Goizeko hamarrak inguruan ireki dute errepidea, baina goiz guztian izan dira pilaketak trafikoaren ondorioz.
