Ekitaldiak bi panel izango ditu; batetik, Euskal Presoen Giza Eskubideen inguruko Txostena aurkeztuko dute. Hiru talde parlamentariotako zazpi europar diputatuk idatzitako txostena da, otsailean Euskal Herrira egindako bisitan oinarrituta. Bidaiak iraun zuen hiru egunetan Euskal Herriko gizarte zibileko elkarterekin, alderdi politikoekin eta erakunde publiko zein agintariekin elkartu ziren.
Hizlariak Gabi Zimmer, Josep-Maria Terricabras, Mark Demesmaeker eta Malin Bjork izango dira.
Gainera, konponbide prozesuaren egungo egoeraz ere mintzatuko dira. Horretarako, Arnaldo Otegi Sortuko idazkari nagusia gonbidatu du Friendshipek, eta Lynn Boylan europarlamentaria ariko da Otegirekin solasean.
Presoen egoera hizketagai hilaren 26an @Europarl_EN-en https://t.co/fwvXvpiYEvpic.twitter.com/eB7bTBVUdV
— Jon Olano (@olano_urkia) 2016(e)ko apirilak 19
