Hilda aurkitu dute Miarritzen itsasora jausi zen emaztea

MIARRITZE. Ostiral gauean lagunekin zela itsasora erori zen neskaren hilotza atzo aurkitu zuten Miarritzen bertan, Portu Zaharreko hondartzan. Deabruaren Zuloa deitu lekuaren inguruan jausi zen uretara emaztea, eta harrezkero bila aritu dira larrialdi zerbitzuak. Azkenean, bainuzale batzuek topatu zuten hilotza atzo goizean, 10:30ean. Poliziak ingurua itxi egin zuen, gorpua eramateko. 22 urte zituen neskak.