Hilda aurkitu dute ostegunetik etxetik falta zen Zuhatzuko agurea

Itzaga mendiaren ipar aurpegian hilotz aurkitu dute gaur goizean Felix Redin 78 urteko gizonezkoa, Zuhatzuko (Nafarroa) bizilaguna. Ostegunetik etxetik falta zen Redin, eta atzo arratsaldetik haren bila ibili dira Nafarroako larrialdietako salbamendu taldeak eta Zuhatzu eta Itzagaondoko bizilagunak. Iluna nagusitzean, atzo iluntzeko 21:30etan bertan behera utzi zuten bilaketa, eta gaur goizean goiz ekin diote berriro. Esan bezala, Itzaga mendiaren ipar aurpegian aurkitu dute, baina hilda.