Hildako bat eta bi zauritu AP-68an, istripu batean

KUARTANGO.Auto istripu bat izan zen atzo goizaldeko ordu bietan AP-68 autobidean, Kuartangotik (Araba) gertu. Zaragoza aldera (Espainia) zihoan kotxe bat galtzadatik irten eta irauli egin zen. Suhiltzaileek atera behar izan zituzten bidaiariak. Haietako bat hil egin zen, eta beste biak zauriturik eraman zituzten Txagorritxu eta Santiago (Gasteiz) ospitaleetara.