Hildako ugari izan dira Iraken, hainbat erasotan

Gutxienez bost zibil hil eta beste hiru zauritu dira gaur Falujan, Bagdadetik 50 kilometrotara, bonba baten leherketak harrapatuta. Bagdad telebista kateak jakinarazi duenez, erasoarenjomuga handik pasa behar zen polizi patrulla bat zen. Hala ere, poliziek erasoa saihestu dute.

Bien bitartean,Irakeko sei soldadu hil eta beste 14 zauritu dira Bakuban, Bagdadetik 65 kilometrotara. Ekintzailesuizida batek gidatzen zuen kotxea eztandarazi du kontrol postu baten parean. Irakeko eta AEBetako koordinazio bulegoak komunikatu baten bitartez baieztatu duenez, kontrol postuan zeuden soldaduek autoari eraso diote beraien alboan leher ez zedin. Komunikatuan adierazten denez , eztanda eta gero gizon armatu batzuk kontrol postuaren kontra egin eta militarrei aurre egin diete.

Bestalde, gutxienez zortzi pertsonak bizia galdu dute Bagdadeko hainbat auzotan. Azken orduetan AEBetako eta Irakeko tropak milizianoekin borrokan hasi dira eta ondorioz 20 pertsona zauritu dira.AEBeko militarrak plazaratutako komunikatuan adierazten denez Irakeko hiru zibil eta beste hainbat miliziano xiïta hil dira gaur Sadr Cityn izandako erasoetan. “AEBetako eta Irakeko hegazkinak sarekada abian jartzean hasi dira borrokak”jakinarazi du Ali Hadi poliziako kapitainak. Gatazkaren ondorioz, sei pertsona hil eta beste 17 zauritu direla gaineratu du Ali Hadik. Gainera polizi iturriek jakinarazi dutenez bi pertsona hil eta beste bost zauritu dira Musajed auzoan. Bertan AEBetako soldaduen eta ekintzaile talde batzuen artean iskanbilak izan dira.

Iraken bizi den“egoera baretzeko” eta “segurtasuna bermatzeko” nahianazken egunetan AEBetako tropak sartu dira. Hala ere, erasoak nagusi izan dira gaur goizean Iraken.