BILBO. Duela bi urte adineko bi pertsona hilik topatu zituzten Bilboko Otxarkoaga auzoko euren etxean, indarkeria zantzuekin. Hiru adingabe atxilotu zituzten gertaerarekin lotuta, eta seina urteko itxialdia ezarri zieten horietako biri, biolentziarekin egindako lapurreta eta homizidioa egotzita. Bada, atzo jakin zen itxialdian zegoen gazteetako bat falta dela Zumarragako Ibaiondo adingabeen zentroan. Baimen batekin atera zen, eta ez zen itzuli. Ertzaintza haren bila dabil.
Aurrez ere atera izan da baimenekin, zentroko iturriek aditzera eman zutenez. Aurreko horietan ezarritako epeetan itzuli izan dela adierazi zuten, baina, oraingoan, itzultzen ez zela ikusita, Adingabeen Fiskaltzari eta Ertzaintzari abisua eman zietela.
Hilketagatik zigortutako gazte baten bila ari dira
Iruzkinak
Ez dago iruzkinik
Ordenatu
