Lehenengo istripua 08:22an gertatu da Trapagarango Inbaldelka Industrigunean. 28 urteko gazteari txapa batzuk erori zaizkio gainera eta Gurutzetako Ospitalera eraman behar izan dute.
Antzeko ezbeharra jazo da Bilbon, 08:35 inguruan, Urazurrutia eta Zamakola kaleak bat egiten duten lekuan. 34 urteko santurtziarrari pale bat erori zaio gainera.
DYA errepideetako laguntza zerbitzuak lan istripu bezala hartu du Barakaldon 54 urteko gizonezko batek izan duen erorketa ere.
Joan den larunbatean Trapagaranen hil zen langilearen heriotza salatzeko sindikatuak deituta egiten ari diren elkarretaratzeekin bat etorri dira lan istripu hauek.
Lan istripuak
Hiru behargin zauritu dira Bizkaian
DYA errepideetako laguntza zerbitzuak jakinarazi duenez, hiru lan istripu gertatu dira gaur Bizkaian. Lehena Trapagaranen gertatu da, gizon bati txapa batzuk gainera erori zaizkionean. Bilbon pale batek azpian hartu du beste langile bat. Barakaldon jazo da azken lan ezbeharra, gizonezko bat erori denean.
Iruzkinak
Ez dago iruzkinik
Ordenatu
