HIRU EDUKIONTZIRI SU EMAN DIETE

Hiru zaborrontziri su eman zieten atzo goizaldean Gasteizen, Ilustrazioaren Etorbidean, eta haien ondoan zegoen auto batek kalteak izan zituen. Aurpegia estalita zeramaten pertsona batzuek nahita eman zieten su edukiontziei, Eusko Jaurlaritzako Herrizaingo Sailaren arabera. Ikertzen ari da Ertzaintza. Baionan, bestalde, zazpi ibilgailuri eman zieten su atzo goizaldean, tren geltokiaren inguruan; Poliziak lekuan bertan atxilotu zuen gizon bat, hark piztu zuelakoan sutea.