20 eta 28 urteko hiru gizonezko atxilotu ditu bart goizaldean Ertzaintzak Gasteizen, beste gizonezko gazte bat jipoitu dutelakoan. Biktima Santiago erietxean dago, zauri larriekin.
Jaurlaritzako Herrizaingo Sailak agertu duenez, goizeko bostak eta laurden aldera herritar batzuen abisua jaso dute Sos Deiak-en, San Prudentzio kalean pertsona batzuk beste bati eraso egin diotela esanez. Ertzaintza esandako lekura iritsi denean, biktima lurrean zaurituta aurkitu dute, eta anbulantzian eramanarazi.
Lekukoek agertu diete hiru gizonezko izan direla erasotzaileak, eta haien itxuraren berri eman diete. Deskripzio horrekin bat zetozen hiru lagun aurkitu dituzte handik gutxira Foru kalean eta lekukoek ezagutu egin dituztela-eta atxilotuta eraman dituzte.
Erasoa
Hiru gazte atxilotu dituzte Gasteizen, beste bat jipoitzea eta larri zauritzea egotzita
Iruzkinak
Ez dago iruzkinik
Ordenatu
