Bilboko Gordoniz kalean 28 urteko gizon bat atxilotu dute ustez bikotekideari eraso egin diolakoan. Atzo iluntzean gertatu zen erasoa Ertzaintzak jakinarazi duenez. Lekuko batek eman zien ertzainei erasoaren berri. Biktimak erasoa jasan zuela baieztatu zien ertzainei. Emakumea Basurtuko ospitalera (Bilbo) eraman zuten zauriak artatzeko.
Gasteizko Alde Zaharreko etxebizitza batean gizonezko bat atxilotu zuen Ertzaintzak emaztea jotzea egotzita, atzo eguerdian. Biktimak ez zela erasoa jasaten zuen lehen aldia aitortu zuen. Gasteizko Santiago erietxera eraman zuten emakumea.
20 urteko gizon bat atxilotu zuten atzo, Gasteizko Adurtza auzoan. Ustez bikotekideari eraso egin zion Ertzaintzak jakinarazi duenez. Ertzaintza gertaeren lekura joan zenean sudurretik odoletan ari zen biktima. Zauria artatzeko Gasteizko Santiago erietxera eraman zuten.
emakumeen aurkako indarkeria
Hiru gizon atxilotu dituzte bikotekidea erasotzea egotzita
Bilbon eta Gasteizen atxilotu dituzte ustezko erasotzaileak.
Iruzkinak
Ez dago iruzkinik
Ordenatu
