Hiru gizonezko atxilotu dituzte bart Gasteizen, bikotekideei eraso egin dietelakoan

Ertzaintzak 25, 26 eta 49 urteko gizonezkoak atxilotu ditu bart Gasteizen, euren bikotekideak mehatxatu eta jo dituztela egotzita.

25 urteko gizona Sansomendi auzoan atzeman du, emazteari heriotz mehatxua egin diolakoan. Emakumezkoak berak eman dio abisua Ertzaintzari, eta etxetik ihes egin du, haur txiki batekin.

49 urteko gizonezkoak ere ustez heriotz mehatxuak egin dizkio bikotekideari, eta jotzen ere saiatu da, betiere Eusko Jaurlaritzako Herrizaingo Sailaren arabera.

26 urteko gizonezkoa, berriz, emaztea jotzea leporatuta atzeman dute.