Hiru lagun arin zauritu dira Bilboko etxe batean izandako sutean

Bilbon Concepcion kaleko etxebizitza batean sutea izan da gaur, sukaldean, eta ondorioz hiru lagun arin zauritu dira, Udaltzaingoak esan duenez.

Haietako bat etxeko jabea da, 91 urteko gizonezkoa; sua eskuekin itzaltzeko saioan hartu du min -erredura izan du eskubiko eskuan-. Beste bi zaurituak udaltzainak dira; arnasketa arazoak izan dituzte, keagatik. Inor ez zuten osasun zentrora eraman.

Eguerdiko hamabietan izan da ezbeharra, kaleko 7. zenbakiko eraikinean. Bilboko suhiltzaileek ordu erdirako kontrolpean zeukaten sua.