Efe-k aipatzen dituen polizia iturrienarabera, DNAT Terrorismoaren Aurkako Dibisio Nazionaleko poliziek eta Bordeleko Polizia Judizialeko kideek parte hartu dute operazioan, eta Levert epailearen aginduz ari dira. Oihaneart eta Trounday Baionako polizia etxean dauzkatela zehaztu dute iturri horiek.
Ainara Goñiren atxiloketaren albistea, berriz, Askatasunak eman du. Elkarte horrek agertu duenez, eguerdian atxilotu dute, Lohizune eta Ziburu artean. Goizean lanean egon da, eta bazkaltzera atera denean atzeman bide dute.
Atxiloketa horien aurka protestatzeko Isturitzen , Hendaian eta Ziburun elkarretaratzeak antolatu ditu Askatasunak, biak 19:00etan: Isturitzekoa plazan, Hendaiakoa Herriko Etxearen aurrean eta Ziburukoa portuan.
Atxiloketak
Hiru lagun atxilotu ditu Frantziako Poliziak Lapurdin eta Nafarroa Beherean
Parisko Laurence Levert epailearen aginduz hiru lagun atxilotu ditu Frantziako Poliziak: Jon Oihenart Isturitzen (Nafarroa Beherea), Bernard Trounday Hendaian (Lapurdi) eta Ainara Goñi Ziburun (Lapurdin). Efe albiste agentziak polizia iturrietan oinarrituta agertu duenez, Segiren aurkako ikerketa batekin lotuta atxilotu dituzte.
Iruzkinak
Ez dago iruzkinik
Ordenatu
